مرحبا، أنا علاء، طالب سنه رابعة بجامعة سري، بدرس هندسة طيران. الدراسة هون 3 سنين بل عاده بس أنا عم كمل ماسترز ف هي رابع سنه إلي. أنا سوري، من دمشق. الجامعة هون قررت تعمل بلوغ ل الطلاب يلي عم يفكرو يجو يدرسو بسري ف أنا وطالب ثاني منكتب كل إسبوع تقريباً، مرات بل عربي ومرات بل إنجليزي. الهدف من هاد البلوغ إنو نعطيكن معلومات عن الجامعة و الحياة بإنجلترا و بغيلدفورد.

جامعة سري موجوده بجنوب إنجلترا، قريب كتير من لندن. نص ساعة بل قطار بس من هون للندن. الجامعة موجوده ببلد صغيره اسمها غيلدفورد، بمقاطعة سري.

عادةً كل سنه بتكون فصلين وكل فصل 15 إسبوع، منن 11 تدريس. بكل فصل في 4 مواد. في مواد بكون باخرها فحص وفي مواد بتكون بدون فحص. بدل الفحص في شيء اسمو كورسوورك، مثلاً كتابة مواضيع أو عمل مشروع.

جامعة سري من أحسن الجامعات بإنجلترا والدراسة فيها ممتازة. الحياة كمان كثير جيدة. في كثير عرب بالجامعة من كل البلاد. الغرف كمان ممتازة و في أنواع عده حسب الطلب.

في أيضاً نوادي رياضة لكل شيء بيخطر على البال: كرة قدم، كرة سله، تنس، سباحة وغيرهم. في أيضاً نوادي اجتماعيه مثل نادي الشطرنج ونادي ألعاب الفيديو. يوجد أيضاً نادي إسلامي يقيم صلاة الجمعة في الجامعة كل إسبوع ويوفر غرفة للصلاة في جميع ال أوقات. يقومون أيضاً بتوفير فطور مجاني كل يوم خلال شهر رمضان. هذا جيد جداً لأن غيلدفورد لا يوجد بها جامع.

غرف الجامعة موجودين بقلب الجامعة أو بمكان قريب اسمو مانر بارك، 20 دقيقة مشي من الجامعة، بس في باصات دائماً وممكن شراء بطاقة باص لمدة سنه عن طريق الجامعة. في أيضاً بين الجامعة ومانر بارك سوبرماركت كبير في كل شي، اسمو تسكو.

مركز مدينه غيلدفورد قريب من الجامعة، 15 دقيقة مشي أو أقل بل باص. غيلدفورد مشهورة بمحلاتها وفيها كل شي، مطاعم كثير ومركز تسوق وسينما ومحلات ألبسه.

المحاضرات بلجامعة بتكون بين ال-9 وال-5 بس يوم الأربعاء بين ال-9 و ال-12.

في شي بجامعة سري اسمو ترينينغ يير أو سنة تدريب. بيسمحلك تشتغل مع شركه بعد السنه الثانية وتكسب خبرة. هاد شيء كثير منيح وبساعد بتأمين شغل بعد التخرج. بسري 95% من الطلاب بكونو بشغل أو دراسات عليا خلال 6 أشهر من التخرج. سنة الخبرة بتساعد كثير بهاد الشي.

الجامعة وغيلدفورد بشكل عام امنين جداً، أحسن من مدن أخرى بدرجات. صراحة، أنا انصح بها. خلال ال-4 سنين التي قضيتها لم أمر بأي مشكله كبيره وتعلمت كثير.