千呼萬喚始出來，終於嚟到呢個我哋喺前幾個blog都提過嘅水上明珠，威尼斯喇 🥹

好多人成日都會講：「期望越大，失望越大」

好彩，凡事都有例外。

而威尼斯就係其中一個喇 😀

—

威尼斯，一部分城市同潟湖都被列入世界遺產嘅地方，究竟有乜嘢魅力令到佢被紐約時報譽為「世上最靚嘅人造都市」兼被大多數人視作歐洲中最浪漫嘅城市之一？

文化面貌？文藝復興中心地？抑或係因為作為世界遺產嘅地位？

說法萬千，今次不妨一齊親身去睇下威尼斯呢個城市嘅吸引之處啦 ：D

—

威尼斯並唔大，故此交通方面都唔會太複雜。同其他意大利城市無太大差別，可以先下載AVM Venezia，喺app裡面買一張75分鐘巴士票，售價1.5歐，有效時間內無限次乘搭

唯一要留意嘅係，喺app上面買完飛之後，雖然可以即時activate，但都需要三分鐘先可以生效

不過，威尼斯既然叫得做水上城市，當然係以水上交通工具為主啦 — 水上巴士、渡輪、快艇、擺渡船、貢多拉等等等等

如果想方便嘅，不妨買一張三日套票 – Rolling Venice Card

套票除咗包含所有威尼斯內嘅公共交通工具（外加一程指定嘅機場綫，同埋除擺渡船以外）之餘，仲有唔同餐廳、博物館同購物嘅優惠，售價33歐，基本上係用一日已經可以值回票價

—

威尼斯話就話唔大，但可以去嘅地方 做嘅嘢其實都唔少 😌 

由比較出名嘅地點講起，都有

周圍都係宏偉建築嘅廣場，直接睇相啦~

坐喺度睇下貢多拉出入，都係幾唔錯嘅體驗

世界上唯一一間低過水平面，亦一度被BBC譽為世界上最靚嘅書店。

店內嘅書全部都係放喺一隻小型貢多拉上面，當水位一升就會自然地浮起，避免浸濕晒啲書

除咗呢啲地方之外，威尼斯內都仲有幾個外島，同樣都係套票內嘅交通工具適用，不過呢樣就另外一個blog先再深入啲講啦🤗

—

玩同睇之外，食嘅嘢同樣唔惹少😌 威尼斯近海，海鮮菜固然係基本嘢，但要講最出名嘅，一定唔少得墨魚麵！

千祈唔好唔記得叫翻個Tiramisu呀！意大利入面都唔係間間會遵從正宗做法，不過呢間就夠晒正宗喇

海鮮意粉都係基本，唔需要多講。追求質素嘅，不妨試下Bar Da Sandro

意大利飯都係一個唔錯嘅選擇，私心推薦Vino Vino，價錢可能比以上貴少少，但至少質素對得住價錢，加上餐廳環境好好！

意大利另一樣出名嘅嘢，Gelato喺威尼斯可以講話係昇華到另一個層次。城內有幾間比較出名，排隊排到打曬蛇餅，但基於性價比，呢間真係要推薦 — Gelateria Gallonetto

---

---

話咁快又完結一個學年喇，祝大家都攞到自己想要嘅成績同埋下年繼續順風順水！

今次講住咁多先，相信都賺夠稿費比今個月嘅行李寄存錢喇 🥲 下期去外島嘅blog再見啦 👋🏿