喺上一篇去羅馬嘅blog提過，原定我哋今次會去遊下梵蒂岡 拿玻里同卡普里呢三個地方
但咁啱冇耐之前喺法雷恩完成咗一個summer programme。所以，容許我喺度加插一篇暑期遊學記 ：D
打鐵趁熱，入正題啦！
眨吓眼就喺雷恩上咗兩個禮拜堂，開心玩開心學
喺雷恩，好多地方都好靚，有古色古香嘅童話小鎮至到現代化嘅建築群應有盡有，就算唔係嚟上堂都好，去旅行放鬆返一個星期都係一個唔錯嘅選擇嚟架！除咗城入面，附近仲有一啲出名嘅小城市，例如係聖馬洛同埋聖米歇爾，啱晒鍾意慢活又或者係風景迷嘅咁多位！
所以喺呢度，基本上每行幾步就可以收穫到靚相。而對比巴黎，交通系統都相對簡單直接，係一大加分位
只要你手持一張可以做到contactless payment嘅debit又或者係credit card，除咗喺票站買飛之外仲可以直接喺閘口又或者係車入面搵到一部拍卡機去俾錢，咁就唔使驚要企喺票站排隊或者唔知要買邊種飛啦！
同但樣哋，當地都有唔同優惠嘅票種，由多程票 月卡去到年卡都有
喺Surrey，一直都係同歐亞或者非洲同學接觸多，今次係第一次咁深入同美國同學仔生活 
當中好多都係第一次出國，但文化適應力高，亦都非常玩得
而當自己以為Surrey已經係極限，點知人哋學校有埋沙排場
草地休息區，甚至係DJ區隨意點歌
除咗上堂之外，學校仲安排咗去幾間當地公司參觀，睇下唔同國家同行業嘅公司喺可持續發展方面有啲咩行動，Avril就係其中一間
仲要多謝咁多位大廚！準備靚酒靚火腿之餘仲煮咗幾餐好西
食完嘢就一齊嚟周圍行下啦！
crêpe 同 galette 係當地名物。同樣係pancake，分別就係在於一個甜一個咸，到處可見
食完之後仲誤打誤撞搵到一間設計優雅同情調都好到位嘅餐廳，再食過！
因為放學時間相對早，返屋企之前都係周圍去參觀吓，呢個係布列塔尼博物館裏面一個講緊當地勞動行業呢部分
市政大樓外嘅廣場，同上一張相嘅古城區大概相隔兩條街左右，感覺已經可以話係截然不同
雷恩主教堂裡面
Thabor Park，當地一大後花園，好多居民都鍾意去嘅一個地方，散吓步嘆吓野餐咁又一日
咁啱，去到嘅時候就喺當地嘅World Music Day，係市內好多唔同嘅地方都會有各式各樣嘅音樂表演 – 公園，餐廳以至酒吧等等
Any肥，先前幾次去到法國之旅都夾唔到時間去Saint-Michel，今次終於去到喇！
要入島嘅話，可以選擇行三十分鐘或者搭免費shuttle
外加 Saint Malo 聖馬洛 一日遊，另一個相距一小時左右車程嘅小島，而海盜業就係受國家政府認可兼係島上嘅主要行業
四周圍都係買嘢嘅好地方，衫褲鞋襪精品紀念品嘢食
呢間真係抵食，5.8歐兩球但一球大到同我個拳頭差唔多，另外一球喺個筒入面遮住咗，飽到傻
最抵唔過眼嘅係佢又好食先弊
堡內望出去沙灘，美如畫
係正沙灘入口有一間頗為出名嘅餐廳
圖入面嘅呢一個長方形框框，其實係一個泳池，潮退嘅時候就會完全顯現出來
講返先！喺雷恩，每星期六朝早都會有個大型市集，乾貨食材海鮮熱食園藝紀念品書薄應有盡有㗎
每日放學做完嘢就係去食去玩睇下戲，週末就去下博物館 市集咁，收穫豐富，真係好慶幸有參加到今次遊學 
今次去雷恩，真係可以話係咁多次遊記入面最開心最輕鬆嘅一次，有機會嘅話都推薦大家一定要參加一次Surrey同海外學校合作嘅study programme呀（基本上大部分都係免費參加，只係需要自負機票同埋食宿就可以㗎喇！）
